Kolistin-Belpharm 2 000 000 XB

Таъсир этувчи модда (ХПН): Colistin
Дори шакли: Вена ичига юбориш ва ингаляциялар учун эритма тайёрлаш учун кукун.
1 флакон таркиби
Колистеметат натрий – 1 000 000 - 2 000 000 ХБ.
Таърифи: Оқ ёки деярли оқ кукун.
Фармакотерапевтик гурухи: Тизимли қўллаш учун антибиотиклар, бошқа антибактериал воситалар. Полимиксинлар.
АТХ коди: J01XB01.

Фармакологик хусусиятлари
Фармакодинамикаси
Колистин - Bacillus Polymyxa var. colistinus ишлаб чиқарадиган циклик полипептид антибиотик бўлиб, полимиксинлар гурухига киради. Колистин нинг таъсир қилувчи моддаси колистиметат натрий хисобланади, у колистиннинг метансульфон кислотасининг хосиласидан иборат.
Дори воситаси грамманфий бактерияларга нисбатан бактерицид таъсир кўрсатади, унинг асосида мембрана структураларининг поляризацияси жараёнлари оқибатида цитоплазматик ва ташқи мембрананинг структурасини ўзгариши ва фаолиятини бузилиши ётади.
Колистиметат натрийнинг антибактериал фаоллиги, фақат гидрофоб ташқи мембранага эга бўлган аэроб грамманфий бактерияларга тарқалади.
Сезувчан бактерияларга нисбатан полимиксинларнинг бактерицид самараси концентрацияга боғлиқ. fAUC/MIC клиник самарадорлиги билан корреляция қилади.

*EUCAST – антибактериал дори воситаларига сезувчанликни тестлаш бўйича Европа қўмитаси.
**Дозалаш тартибига тўғри келувчи назорат нуқталари: 2 000 000 – 3 000 000 ХБ суткада 3 марта. 9 000 000 ХБ гача юклама доза қўлланиши мумкин.

Колистиметат натрийга энг сезувчанлар Acinetobacter baumannii, Citrobacter spp., Escherichia coli, Haemophilus influenza, Pseudomonas aeruginpsa.
Орттирилган резистентлик географик холат ва бактерияларнинг танланган турларига нисбат вақтга қараб ўзгариши мумкин.
Stenotrophomonas maltophilia, Acinetobacter xylosoxidans (илгари Alcaligenes xylosоxidans) учун орттирилган резистентлик бўлиши мумкин. Proteus spp., Providencia spp., Serratia spp., Burkholderia cepacia яқин турлари резистентларга киради.
Колистиметат натрий ва полимиксин В билан қарама-қарши резистентликка йўл қўйилади. Полимиксинларнинг таъсир механизми бошқа антибиотикларнинг таъсир механизмида фарқ қилиши туфайли, юқорида кўрсатилган механизм йўли билан колистиметат натрий ва полимиксин В га резистентлик, дори воситаларининг бошқа гурухларига бўлган резистентликни тахмин қилмайди.

Фармакокинетикаси
Сўрилиши
Катта одамларда МИЙ дан сўрилиши катта бўлмаган миқдорда юз беради. Ингаляцион қўлланганда колистиметет натрийнинг сўрилиши кучли шахсий фарқларга эга ва аэрозол заррачаларининг ўлчамига, чанглатиш тизимига ва пациент ўпкаларининг холатига боғлиқ. Ингаляциялар колистиметет натрийнинг қон зардобидаги концентрацияси 0 дан 4 мг/л ва юқори потенциал терапевтик концентрацияларда ўзгариши мумкин. Ўпкаларда колистиметет натрийнинг юборилган дозасини тахминан 15% тутилади. Ингаляцион қўллаш усулида паст тизимли биокираолиши туфайли, буйрак етишмовчилиги бўлган беморлар организмида колистиметет натрийнинг тутилишини хавфи паст хисобланади.
Бироқ ингаляцион қўллаш усулида тизимли сўрилиши мумкинлигини эътиборга олиш керак.
Тақсимланиши
Оқсиллар билан боғланиши ахамиятсиз. жигарда, буйракларда, бош мияда, юракда ва мушакларда тўпланади. Дори воситаси йўлдош орқали ўтиш қобилиятига эга.
Колистинни орқа мия суюқлигига ўтиши минимал, лекин менингеал яллиғланишда ошади.
Метаболизми ва чиқарилиши
In vivo колистиметет натрий асосга (колистин) айланади. Колистиметет натрий асосан буйраклар орқали калава фильтрацияси йўли билан чиқарилади. Соғлом одамларда 60-70% колистиметет натрий ўзгармаган холда сийдик билан 24 соат давомида чиқарилади. Ўт-сафро билан дори воситаси чиқарилмайди.
Вена ичига юборилганидан кейин колистиметет натрийнинг ярим чиқарилиш даври соғлом одамларда тахминан 3 соатни ташкил қилади. Колистиметет натрий мукокисцидози бўлган пациентларда қўлланганда ярим чиқарилиш
даври 3,4±1,4 соатни ташкил қилади. Критик холатдаги пациентларда ярим чиқарилиш даври 9-18 соатгача ошади.
Ингаляцион юбориш усулида колистиметат натрийнинг чиқарилиш йўли ўрганилмаган. Колистиметат натрийнинг сўрилган қисми, тахмин қилинишича, буйраклар орқали ўзгармаган холда чиқарилади. Ингаляциядан кейин сўрилмаган қисми, тахмин қилинишича, балғам билан чиқарилади. Колистиметат натрийни 1 000 000 ХБ ингаляцион доза кўринишида суткада 2 марта 3 ой давомида олган, муковисцидози бўлган беморларда, дори воситаси сийдикда аниқланмаган.
Алохида клиник холлардаги фармакокинетикаси
Буйрак етишмовчилигида дори воситасини организмда тўпланишини олдини олиш учун, колистиметат натрийнинг дозасини пасайтириш талаб қилинади.
Колистиметат натрийнинг кинетикаси болалар ва катталарда, буйракларнинг фаолияти нормал бўлиши шароитида кекса ёшли пациентларни хам қўшиб, ўхшаш.
Эмизикли болаларда дори воситасини қўллаш бўйича маълумотлар чекланган. Пациентларнинг бундай гурухида қон плазмасида юқорироқ максимал концентрациялар бўлиши мумкинлигини ва давомлироқ ярим чиқарилиш даврини хисобга олиш, шунингдек қон зардобида таъсир қилувчи модданинг даражасини назорат қилиш керак.

Қўлланиши
Дори воситаси сезувчан микроорганизмлар чақирган инфекцияларни даволаш учун мўлжалланган.
Парентерал қўллаш
Грамманфий бактериялар чақирган айрим оғир инфекцияларни, қуйи нафас йўллари, сийдик йўлларининг инфекцияларини хам қўшиб даволаш, кенгроқ ишлатиладиган антибактериал воситаларга қарши кўрсатмалар бўлганда ёки бактериал резистентлик ривожланиши туфайли самарасиз бўлган холларда.
Ингаляцион қўллаш
Кистоз фибрози бўлган пациентларда, Pseudomonas aeruginosa чақирган инфекцияларни даволаш.

Қўллаш мумкин бўлмаган холатлар
Колистиметат натрийга ёки полимикмин В га ўта юқори сезувчанлик.

Эхтиёткорлик чоралари
Хомиладорлик ва эмизиш даврида қўлланиши
Колистиметат натрийнинг хомиладорликда клиник хавфсизлиги аниқланмаган. Колистиметат натрий йўлдош тўсиғи орқали ўтиш қобилятига эга ва эмбрионал токсикликка олиб келиши мумкин. Дори воситаси хомиладорликда, уни қўллашдан потенциал фойда хомила учун мумкин бўлган хавфни оқлаган холлардан ташқари холларда қўлланмаслиги керак.
Хар бир холда дори воситаси шифокорнинг бевосита кузатуви остида қўлланиши керак!
Колистиметат натрий кўкрак сутига ўтиш қобилятига эга, шунинг учун колистиметат натрийни лактация дарида қўллашнинг зарурати бўлган холда, эмизишни тўхтатиш масаласини кўриб чиқиш керак.
Автомобил ва механизмларни бошқариш қобилятига таъсири
Колистиметат натрийни қўллаш вақтида, мумкин бўлган бош айланиши, онгни чалкашиши ва кўришнинг бузилиши билан нейротоксиклик ривожланиши мумкин. Ножўя реакциялар пайдо бўлганда, дори воситасини қўллаш даври давомида транспорт воситаларини бошқариш ва мураккаб механизмлар билан ишлашдан сақланиш тавсия этилади.
Махсус кўрсатмалар
Порфирияси бўлган пациентларда колистиметат натрийни эхтиёткорлик билан қўллаш керак.
Парентерал қўллаш усулида колистиметат натрийнинг тавсия этилган дозаси оширилган холда, нефротоксиклик холлари пайдо бўлиши мумкин.
Буйраклар фаолиятининг бузилишлари бўлган беморларга колистиметат натрийни эхтиёткорлик билан буюриш керак. Бундай беморларда даволашни бошида буйраклар фаолиятини бахолашни ўтказиш, уни даволаш давомида назорат қилиш ва нерв тизими томонидан ножўя самаралар (юзнинг парастезияси, мушак кучсизлиги, бош айланиши, ноаниқ нутқ, вазомотор беқарорлик, кўришни бузилиши, онгни чалкашиши, психоз ва нафасни тўхташи) пайдо бўлишини кузатиш керак. Периорал парастезия ва қўл-оёқларнинг парастезиясини мониторингини ўтказиш лозим, чунки улар дозани ошириб юборилишининг белгилари хисобланади.
Колистиметат натрийни 1 ёшгача бўлган болаларга эхтиёткорлик билан буюриш керак, чунки бу гурух пациентлар буйракларнинг етарли бўлмаган функционал етилиши билан характерланади.
Аллергик реакциялар холида, колистиметат натрий билан даволашни тўхтатиш ва мувофиқ чораларни кўриш керак.
Вена ичига юборилганда колистиметат натрий клиник ахамиятли даражада гематоэнцефалик тўсиқ орқали ўтмайди.
Антибиотик-ассоциацияланган ва сохтамембраноз колитлар, улар барча антибактериал воситалар учун аниқланиши мумкин, енгилдан то хаёт учун хавфлигача бўлиши мумкин. Колистиметат натрийни қабул қилиш вақтида диарея пайдо бўлганда, даволашни тўхтатиш ва Clostridium difficile ни даволаш учун воситаларни буюриш керак.
Pseudomonas aeruginosa чақирган сурункали инфекцияларнинг зўрайишини даволашда, ингаляцион монотерапия сифатида Колистин ни қўллаш керак эмас. Колистиметат натрий ингаляцион қўлланганда бронхоспазмлар пайдо бўлиши мумкин, уларни тўғри келувчи β₂-агонистлар ёрдамида олдини олиш ёки бартараф қилиш мумкин. Шунинг учун Колистин нинг биринчи дозасини юборишни тажрибали тиббий ходимнинг кузатуви остида амалга ошириш керак, бунда бронхолитикларни қўллаш, агар бу беморнинг даволаш тартибига кирса, Колистин ни ингаляцион қўллашдан олдин амалга оширилиши керак. Агар β₂-агонистларни қўллаш самарасиз бўлса, даволашни тўхтатиш керак.
Дори воситасини ингалаяциясидан олдин ва кейин биринчи секундда жадал нафас чиқариш хажми (ФОВ₁) кўрсатгичларини мониторинг қилиш тавсия этилади. Агар беморда дори воситаси билан боғлиқ бўлган бронхиал обструкциянинг белгилари пайдо бўлса, Колистин ни навбатдаги қўллашда, бронхолитик қўшиб синамани (ФОВ₁) такрорлаш керак.
Колистиметат натрийни ингаляцион қўллаш йўтални кучайтириши мумкин, шунинг учун қон тупуришда қўлланган холда хавф ва фойда нисбатини синчиклаб бахолаш керак.
Дорназа альфа ва Колистин нинг ингаляциялари орасида танаффус қилиш керак.
Колистиметат натрий билан даволашда микроорганизмларнинг чидамли штаммлари пайдо бўлиши мумкин. Дори воситасининг самарадорлиги бекор қилинганидан кейин ва /ёки даволаш модификация қилинганидан кейин тикланиши мумкин.

Қўллаш усули ва дозалари
Колистин парентерал ва ингаляциялар кўринишида қўлланади.
Парентерал қўлланиши
Даволаш тартиби ва даволашнинг давомийлиги инфекциянинг тури ва оғирлигига, патоген микроорганизмнинг сезувчанлигига, пациентнинг холатига, шунингдек ёши, тана вазни ва пациент буйраги фаолиятининг холатига боғлиқ.
Колистин ни дозалашнинг оптимал тартиби юклама ва тутиб турувчи дозани хисоблашга асосланган. Критик холатдаги пациентлар учун максимал юклама ва тутиб турувчи дозалар 9 000 000 ХБ ни ташкил қилади, истисно холларда 12 000 000 ХБ га етиши мумкин. Биринчи тутиб турувчи дозани юбориш 24 соат ўтгач амалга оширилади.
Юклама дозани хисоблаш буйрак етишмовчилигидан қатъий назар барча гурух пациентлари учун бир хил.
Катталар ва ўсмирлар учун тутиб турувчи доза, 2-3 қабулга бўлинган 9 000 000ХБ ни ташкил қилиши мумкин.
Буйраклар фаолиятининг бузилишлари (креатинин клиренси ≤ 50 мл/мин) бўлган пациентларда дозани пасайтириш кўрсатилган. Дори воситасини тавсия этилган юбориш даврийлиги – кунига 2 марта.

Колистин оддий гемодиализда ва узулуксиз вено-веноз гемофильтрацияда ёки гемодиафильтрацияда (УВВГФ ёки УВВГДФ) ярим ўтказгич мембрана орқали ўтиш қобилятига эга.
Гемодиализда бўлган пациентлар учун, қуйдаги дозалаш тартиби тавсия этилган:
Гемодиализсиз кунлар: суткада 2 250 000 ХБ (2 200 000-2 3000 000/сутка).
Гемодиализ кунлари: суткада 3 000 000 ХБ. Дори воситасини гемодиализдан кейин юбориш керак. Суткалик дозани 2 қабулга бўлиш керак.
УВВГФ ёки УВВГДФда дозалаш тартиби буйракларнинг фаолияти нормал бўлган пациентлардаги дозалаш тартибиги тўғри келади. Суткалик дозани 3 қабулга бўлиш керак.
Жигар фаолиятининг бузилишлари бўлган пациентларга колистиметат натрийни эхтиёткорлик билан буюриш керак. Буйракларнинг фаолияти нормал бўлган кекса пациентларда дозани тўғирлаш талаб этилмайди.
Болаларда дозалаш тартибини танлашда буйракларнинг етилганлигини хисобга олиш керак. Доза идеал тана вазнидан келиб чиқиб белгиланиши лозим. Тана вазни ≤ 40 кг бўлган болаларга 3 қабулга бўлинган суткада 75 000 – 150 000 ХБ буюрилади. Тана вазни ≥ 40 кг бўлган болаларда дозалаш тартиби катталардаги дозалаш тартибига тўғри келади.
Истисно холларда муковисцидози бўлган болаларда суткада 1 500 000 ХБ/кг дан юқори дозаларни қўллаш мумкин. Оғир холатдаги болаларда, буйраклар фаолиятининг бузилишлари бўлган болаларда, шунингдек 1 ёшгача бўлган болаларда колистиметет натрийнинг юқори дозаларини алохида эхтиёткорлик билан шифокорнинг синчиков кузатуви остида буюриш керак.
Колистин ни 30-60 минут давомида вена ичика секин инфузия йўли билан юбориш керак. Веноз мослама тўлиқ имплантация (TIVAD) қилинган пациентларда Колистин нинг болюсли инъекциясини қўллаш мумкин (10 мл эритувчида эритилган 2 000 000 ХБ гача), у камида 5 минут давомида юборилади.
Ингаляцион қўллаш
Қуйи нафас йўлларининг инфекцияларини махаллий қўллаш учун, дори воситаси ингаляциялар кўринишида қўлланади. Даволаш курси шахсий белгиланади ва беморнинг клиник холатига боғлиқ. Колистиметат натрийни ингаляцион қўллашни шифокорнинг кузатуви остида ўтказиш керак.
Катталар, 2 ёшдан бошлаб болаларга Колистин 1 000 000 ХБ – 2 000 000 ХБ дозада суткада 2-3 марта (суткада 6 000 000 ХБ гача) буюрилади.
Кекса пациентларда, жигар фаолиятининг бузилишлари бўлган пациентларда, буйраклар фаолиятининг бузилишлари бўлган пациентларда дозани тўғирлаш талаб этилмайди, бироқ буйраклар фаолиятининг бузилишлари бўлган пациентларга Колистин ни буюришда эхтиёткорликка риоя қилиш керак.

Эритмани тайёрлаш ва юбориш қоидаси
Дори воситаси консервантлар сақламайди, шунинг учун эритмани тайёрлашда асептиканинг стандарт қоидаларига риоя қилиш керак.
Парентерал юбориш
Колистин ни в/и болюсли инъекция кўринишида 5 минут давомида ёки вена ичига инфузия кўринишида 30 -60 минут давомида юбориш керак.
Вена ичига болюсли инъекция учун Колистин флакони ичидагиси 10 мл инъекция учун сув ёки натрий хлоридининг 0,9% эритмасида эритилади. Эритувчини флаконга аста-секин, кўпик пайдо бўлишидан сақланиб, тиниқ эритма хосил бўлгунича флаконни эхтиёткорлик билан тебратиб юбориш керак.
Вена ичига инфузия учун в/и болюсли юбориш учун олинган эритманинг хамма миқдори инъекция учун сув ёки натрий хлоридининг 0,9% эритмаси бўлган флакон ёки контейнерга олиб ўтилади, 50 – 200 мл гача суюлтирилади ва эхтиёткорлик билан аралаштирилади.
Вена ичига инфузия учун эритмани тайёрланганидан кейин дархол ишлатиш керак! Дори воситасининг ишлатилмаган қолдиғи утилизация қилинади.
Талаб этилгандан кам доза юборишдан сақланиш учун, дори воситаси тўлиқ эритилган бўлиши керак. Тайёрланган эритма флакондан тўлиқ чиқариб олиниши керак.
Ингаляцион юбориш
Ингаляциялар учун эритма тайёрлаш учун флакон ичидагиси олдиндан 3 мл натрий хлоридининг 0,9% эритмасида ёки инъекция учун сувда эритилади. Тайёрланган эритманинг керакли миқдори чанглатгичга қуйилади, у хаво/кислород бериш учун мосламага уланади, ва мосламани ишлатиш бўйича йўриқномага мувофиқ қўлланади.
Аэрозоль кўринишида антибиотикларни ишлатиш учун спрейли чанглатгичлар (оқимли тури ёки ультратовушли), улар тўғри келувчи компрессор билан ишлатилганда нафас билан олинадиган диаметри 5 мкм дан катта бўлмаган заррачаларни хосил қилади. Чанглатувчи ва компрессор ишлатилганда мосламани ишлаб чиқарувчисининг йўриқномаларига амал қилиш керак.
Дори воситасини ингаляцияси муолажасини пациент ўтирган ёки қатъий вертикал нормал, тинч тик турган холатда, небулайзернинг мундштуки орқали иложи борича чуқурроқ нафас олиб бажаради. Оғиз орқали нафас олишни енгиллаштириш учун, бурун учун қисқични ишлатиш мумкин.
Хар бир ишлатгандан кейин ишлаб чиқарувчининг йўриқномаларига риоя қилиб, мундштукни ювиш ва дезинфекциялаш керак.
Бронходидататорларни олаётган беморларда, Колистин билан ингаляцияни бевосита улар қўллангандан кейин, шунингдек кўкрак қафасидаги физиотерапевтик муолажалардан кейин ўтказиш керак.
Вена ичига болюсли инъекциялар ва ингаляциялар учун янги тайёрланган эритмалар ишлаб чиқарувчининг флаконларида ўзининг физик ва кимёвий турғунлигини ёруғликдан химояланган жойда 2-8^оС да (совутгичда) 24 соат давомида сақлайди.
Микробиологик нуқтаи назардан дори воситасини дархол қўллаш керак, аксида қўллаш жараёнидаги сақлаш вақти ва шароитига жавобгарлик истеъмолчига юклатилади.
Дори воситасининг ишлатилмаган қолдиқ эритмаси утилизация қилинади.

Ножўя таъсири
Парентерал қўллаш
Ножўя реакциялар ривожланишининг эхтимоли ёш, буйраклар фаолиятининг холати ва пациентнинг умумий холати билан боғлиқ бўлиши мумкин.
МНТ томонидан: нейротоксиклик (дозанинг оширибюборилиши, буйрак етишмовчилиги бўлган пациентларда ёмон танланган доза ва нейромушак блокаторларини ёки ўхшаш неврологик самаралари бўлган бошқа дори воситаларини йўлдош қўллаш билан боғлиқ бўлиши мумкин; дозани пасайтириш бу симптомларнинг камайишига ёрдам беради); нафасни тўхташи, сезувчанликни транзитор бузилиши (юзнинг парастезияси, бош айланиши); вазамотор беқарорлик, тушунарсиз нутқ, кўришни бузилиши, онгни чалкашиши ёки психоз.
Муковисцидози бўлган беморларда ўртача даражали неврологик реакциялар кузатилади, улар даволаш жараёнида ёки у тўхтатилганидан кейин мустақил ўтиб кетади.
Сийдик чиқариш тизими томонидан: калава фильтрацияси тезлигини пасайиши, сийдик чиқарилишини ошиши, креатинин даражасини пасайиши, газ хосил бўлишини ошиши одатда буйракларнинг фаолияти нормал бўлган беморларда тавсия этилгандан юқори дозалар қўллангандан кейин ёки буйрак етишмовчилиги бўлган пациентларда дори воситасининг дозаси етарли пасайтирилмаганлиги туфайли, ёки бошқа нефротоксик дори воситаларини йўлдош қўллаш оқибатида пайдо бўлади. Ушбу ножўя реакциялар одатда қайтувчи ва даволаш тўхтатилганидан кейин ўтиб кетади. Дори воситасининг тавсия этилган дозаларини қабул қилаётган, муковисцидози бўлган беморларда, нефротоксик реакциялар кам пайдо бўлади. Нефротоксикликнинг белгилари госпитализация қилинган оғир беморларда, ташхис қилинмаган кистоз фиброзсиз пайдо бўлиши мумкин.
Ўта юқори сезувчанлик реакциялари: тери тошмаси, тремор. Бундай реакциялар аниқланганда колистиметат натрийни қўллаш тўхтатилиши керак.
Махаллий реакциялар: инъекция жойида тошма.
Ингаляцион қўллаш
Нафас тизими томонидан: рефлектор йўтал, бронхоспазм, нафасни тўхташи, балғам хосил бўлишини кучайиши, нафас йўлларининг мукозити, фарингит.
Инфекциялар: оғиз бўшлиғи кандидози.
Юқори сезувчанлик реакциялари: тошма, қичишиш, ангионевротик шиши. Бундай реакциялар аниқланганда колистимитат натрийни қўллашни тўхтатиш керак.
Меъда-ичак йўллари томонидан: кўнгил айниши, тилнинг ачишишини хис қилиш, нохуш таъм туйғулари.

Дозани ошириб юборилиши
Колистиметет натрийнинг дозасини ошириб юборилиши нейромушак блокадасининг сабаби бўлиши мумкин, у, ўз навбатида, мушак кучсизлигига, хансирашга ва нафасни тўхташига олиб келиш қобилиятига эга.Дозани ошириб юборилиши ўткир буйрак етишмовчилигининг сабаби бўлиши мумкин, у сийдик чиқарилишини пасайиши, шунингдек қон плазмасида мочевина азоти ва креатинин концентрациясини ўсиши билан характерланади.
Колистиметат натрийнинг дозаси ошириб юборилганда махсус антидоти мавжуд эмас. Тутиб турувчи даволаш тавсия этилади. Дори воситасининг чиқарилиш тезлигини ошириш учун, маннитол ёрдамида жадаллаштирилган диурезни, узайтирилган гемодиализ ёки перитонеал диализни қўллаш мумкин, бироқ уларнинг самарадорлиги исботланмаган.
Дори воситаси ингаляцион ишлатилганда колистиметат натрийнинг тизимли қон оқимига тушиши ва, демак, интоксикация ривожланишини хавфи ўта ахамиятсиз. Бундай реакциялар ривожланиши хақида маълумотлар йўқ. Дори воситаси тасодифан ичга қабул қилинганда, токсик самаралар ривожланишини эхтимоли кам, чунки колистиметат натрий меъда-ичак йўлларидан жуда кам сўрилади.

Бошқа дори воситалари билан ўзаро таъсири
Нейротоксик ва/ёки нефротоксик таъсирга эга бўлган дори воситалари, масалан, аминогликозидлар (гентамицин,амикацин, нетилмицин ва тобрамицин) билан бир вақтда қўлланмасин. Цефалоспоринлар билан бир вақтда қўлланганда нефротоксиклик пайдо бўлишини хавфи ошиши мумкин. Колистиметат натрийнинг турли дори шакллари бир вақтда қўлланганда эхтиёткорликка риоя қилиш керак, чунки мумкин бўлган якуний токсиклик бўйича маълумотлар чекланган.
Колистиметат натрий ушбу дори воситасини метаболловчи ферментларни ингибирловчи ёки индукцияловчи дори воситалари билан, ёки буйрак метаболизми учун субстрат бўлган дори воситалари билан бир вақтда қўлланганда, мумкин бўлган дориларнинг ўзаро таъсирини хисобга олиш керак.
Колистин ацетилхолиннинг ажралиб чиқишига таъсир қилиши туфайли, колистиметат натрий олаётган пациентларда деполяризация қилмайдиган миорелаксантлар билан эхтиёткорлик билан қўллаш керак, чунки у миорелаксантларнинг самарасини узайтириши мумкин.
Колистиметат натрий ва азитромицин ва кларитромицин каби макролидлар, ёки норфлоксацин ёки ципрофлоксацин каби фторхинолонларни бир вақтда қўллашни, гравис миастенияси бўлган пациентларда эхтиёткорлик билан буюриш керак.
Колистиметат натрий олаётган пациентларда нейромушак блокаторларини алохида эхтиёткорлик билан қўллаш керак.
Ингаляция кўринишидаги колистиметат натрий наркоз учун ингаляцион воситалар, марказий ва периферик таъсирга эга миорелаксантлар ва аминогликозидлар билан бир вақтда қўлланганда, нерв-мушак ўтказилишининг блокадасини хавфи ошади.
Колистиметат натрийни бошқа дори воситалари билан in vivo ўзаро таъсирга нисбатан, шунингдек унинг организмдан чиқарилиш механизмига нисбатан маълумотлар чекланган. Одам гепатоцитларининг in vivo текширишларида колистиметат натрий ёки колистин тестланган Р450 (CYP) ферментлардан (CYP1A2, 2B6, 2C8, 2C9, 2C19 3A4/5) биттасини хам фаоллигини индукцияламаган.

Сақлаш шароити ва яроқлилик муддати
Намлик ва ёруғликдан химояланган жойда, 25^оС дан юқори бўлмаган хароратда сақлансин.
Болалар олаолмайдиган жойда сақлансин.

Яроқлилик муддати 2 йил. Ўрамида кўрсатилган яроқлилик муддати ўтгач ишлатилмасин.
Ишлаб чиқарувчининг флаконларидаги вена ичига болюсли инъекциялар ва ингаляциялар учун янги тайёрланган эритмалар, ёруғликдан химояланган жойда 2-8^оС хароратда (совутгичда) ўзининг физик ва кимёвий турғунлигини 24 соат давомида сақлайди.
Микробиологик нуқтаи назардан дори воситасини дархол қўллаш керак, аксида қўллаш жараёнида сақлаш вақти ва шароитлари учун жавобгарлик истеъмолчига юклатилади.

Дорихоналардан бериш тартиби
Дори воситаси шифокор рецепти бўйича берилади.

Чиқарилиш шакли
1 000 000 - 2 000 000 ТБ дан шиша флаконларда.
1 еки 5 флакондан тиббиётда қўлланилишига доир йўриқномаси билан бирга картон қутида.

Стационарлар учун қадоқ: 36 та флакондан тегишли миқдордаги тиббиётда қўлланилишига доир йўриқномаси билан бирга гурухли қутида.

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили:
«BELPHARM» МЧЖ XK
100084, O'zbekiston Respublikasi, Toshkent, Yunusobod tum.,
Shayx Shivli, Chingiz Aytmatov k., 37-uy.
+998 (55) 506-28-28
www.belpharm.uz