Imipenem-Belpharm 250 mg

Теъсир этувчи моддалар (ХПН): Имипенем / Циластатин
Дори шакли: Инфузия учун эритма тайёрлаш учун кукун.
1 флакон таркиби:
Фаол модда:
Имипенем, сувсиз Имипенемга эквивалент – 250 еки 500 мг
Циластатин натрий, Циластатинга эквивалент – 250 еки 500 мг
Ёрдамчи моддалар:
Натрий гидрокарбонати – q.s.

Фармакотерапевтик гуруҳи: Карбапенемлар гуруҳи антибиотиги.
АТХ коди: J01DH51

Таърифи: оқдан оч-сариқ ранггача бўлган кукун.

Фармакологик хусусиятлари
Кенг таъсир доирасига эга бета-лактам антибиотигидир. Бактерияларнинг хужайра девори синтезини сусайтиради ва граммусбат ва грамманфий микроорганизмлар, аэроблар ва анаэробларнинг кенг доирасига бактерицид таъсир кўрсатади.
Имипенем – тиенамицин ҳосиласи, карбапенемлар гуруҳига мансуб.
Циластатин натрий буйракларда иимипенемни метаболизмга учратувчи фермент – дегидропептидазани ингибиция қилади, бу сийдик чиқариш йўлларида ўзгармаган имипенемнинг концентрациясини аҳамиятли даражада оширади. Циластатин хусусий антибактериал фаолликка эга эмас, бактерияларнинг β-лактамазасини сусайтирмайди.
Препарат Pseudomonas aeruginosa, Staphylococcus aureus, Streptococcus faecalis и Bacteroides fragilis нисбатан фаол. Бактерияларнинг β-лактамазаси томонидан парчаланишга чидамли, бу уни кўпгина бета-лактам антибиотикларига чидамли Pseudomonas aeruginosa, Serratia spp. ва Enterobacter spp. каби кўпгина микроорганизмларга нисбатан самарали қилади. Антибактериал таъсир доираси деярли барча клиник аҳамиятли патоген микроорганизмларни ўз ичига олади. Грамманфий аэроб бактерияларга нисбатан фаол: Achromobacter spp., Acinetobacter spp. (аввал Mima - Herellea), Aeromonas hydrophila, Alcaligenes spp., Bordetella bronchicanis, Bordetella bronchiseptica, Bordetella pertussis, Brucella melitensis, Campylobacter spp., Capnocytophaga spp., Citrobacter spp. (шу жумладан, Citrobacter diversus, Citrobacter freundii), Eikenella corrodens, Enterobacter spp. (шу жумладан, Enterobacter aerogenes, Enterobacter agglomerans, Enterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (шу жумладан бета-лактамаза ҳосил қилувчи штаммлари), Haemophilus parainfluenzae, Hafnia alvei, Klebsiella spp (шу жумладан, Klebsiella oxytoca, Klebsiella ozaenae, Klebsiella pneumoniae), Moraxella spp., Morganella morganii (аввал Proteus morganii), Neisseria gonorrhoeae (шу жумладан пенициллиназа ҳосил қилувчи штаммлари), Neisseria meningitidis, Yersinia spp. (аввал Pasteurella), шу жумладан, Yersinia multocida, Yersinia enterocolitica, Yersinia pseudotuberculosis; Plesiomonas shigelloides, Proteus spp. (шу жумладан, Proteus mirabilis, Proteus vulgaris), Providencia spp. (шу жумладан, Providencia alcalifaciens, Providencia rettgeri (аввал Proteus rettgeri), Providencia stuartii), Pseudomonas spp. (шу жумладан, Pseudomonas aeruginosa, Pseudomonas fluorescens, Pseudomonas pseudomallei, Pseudomonas putida, Pseudomonas stutzeri), Salmonella spp. (шу жумладан, Salmonella typhi), Serratia spp. (шу жумладан, Serratia marcescens, Serratia proteamaculans), Shigella spp; граммусбат аэроб бактериялар: Bacillus spp., Enterococcus faecalis, Erysipelothrix rhusiopathiae, Listeria monocytogenes, Nocardia spp., Pediococcus spp., Staphylococcus aureus (шу жумладан, пенициллиназа ҳосил қилувчи штаммлар), Staphylococcus epidermidis (шу жумладан, пенициллиназа ҳосил қилувчи штаммлар), Staphylococcus saprophyticus, Streptococcus agalactiae, Streptococcus pneumoniae, Streptococcus pyogenes, Streptococcus С гуруҳи, Streptococcus G гуруҳи, Viridans гуруҳи стрептококклари, шу жумладан альфа- ва гамма-гемолитик штаммлари); грамманфий анаэроб бактериялар: Bacteroides spp. (шу жумладан, Bacteroides distasonis, Bacteroides fragilis, Prevotella melaninogenica (аввал Bacteroides melaninogenicus), Bacteroides ovatus, Bacteroides thetaiotaomicron, Bacteroides uniformis, Bacteroides vulgatus), Bilophila wadsworthia, Fusobacterium spp шу жумладан (Fusobacterium necrophorum, Fusobacterium nucleatum), Porphyromonas asaccharolytica (аввал Bacteroides asaccharolyticus), Prevotella bivia (аввал Bacteroides bivius), Prevotella disiens (аввал Bacteroides disiens), Prevotella intermedia (аввал Bacteroides intermedius), Veillonella spp.; граммусбат анаэроб бактериялар: Actinomyces spp., Bifidobacterium spp., Clostridium spp. (шу жумладан, Clostridium perfringens), Eubacter spp., Lactobacillus spp., Microaerophilic streptococcus, Mobiluncus spp., Peptococcus spp., Peptostreptococcus spp., Propionibacterium spp. (шу жумладан, Propionibacterium acne); бошқа микроорганизмлар: Mycobacterium fortuitum, Mycobacterium smegmatis.
Айрим Staphylococcus spp. (метициллинга чидамли), Streptococcus spp. (D гуруҳи), Stenotrophomonas maltophilia, Enterococcus faecium ва Pseudomonas cepacia нинг айрим штаммлари имипенемга сезгир эмас. Цефалоспоринлар, аминогликозидлар, пенициллинларга чидамли бактериялар чақирган кўпгина инфекцияларга қарши самарали. In vitro шароитда Pseudomonas aeruginosa нинг айрим штаммларига қарши аминогликозидлар билан синергик таъсир кўрсатади.

Фармакокинетикаси:
500 мг дозада 20 минут давомида вена ичига юборилганда имепенемнинг C_max 21-58 мкг/мл ни ташкил қилади. 500 мг дозада 20 минут давомида вена ичига юборилганда циластатиннинг C_max 31-49 мкг/мл ни ташкил қилади. Имипенемнинг плазма оқсиллари билан боғланиши – 20%, циластатинники – 40% ни ташкил қилади. Организмнинг кўпгина тўқималари ва суюқликларида тез ва яхши тақсимланади. Плеврал суюқликда, перитонеал ва интерстициал суюқликларда ва репродуктив аъзоларда энг юқори концентрацияларига эришилади. Орқа мия суюқликда паст концентрацияларда эришилади. Катталарда V_d – 0,23-0,31 л/кг, 2-12 ёшдаги болаларда – 0,7 л/кг, янги туғилган чақалоқларда – 0,4-0,5 л/кг ни ташкил қилади.
Имипенем ва циластатин томонидан каналчалар секрециясини блокланиши унинг буйрак метаболизмини ингибиция қилиниши ва ўзгармаган кўринишда сийдикда тўпланишига олиб келади. Циластатин N-ацетил бирикмагача метаболизмга учрайди. Вена ичига юборилганда имипенемнинг Т_1/2 1,7-2,4 соат, циластатиннинг – 3,8-8,4 соатни ташкил қилади; буйрак фаолиятини бузилишида имипенемнинг Т_1/2 2,9-4 соат, циластатиннинг – 13,3-17,1 соатни ташкил қилади. Калавалар фильтрацияси (2/3) ва фаол каналчалар секрецияси (1/3) йўли билан асосан буйраклар орқали чиқарилади; 1-2% меъда-ичак йўллари орқали ва 20-25% - жигардан ташқари йўл орқали (механизми номаълум) чиқарилади.
Гемодиализ ёрдамида тез ва самарали (73-90%) чиқарилади (узлукли гемофильтрациянинг 3 соатлик сеанси натижасида қабул қилинган дозанинг 75% чиқарилади).

Қўлланилиши:

• Сезгир микроорганизмлар (полимикроб ёки аэроб-анаэроб аралаш инфекциялар) чақирган инфекцион-яллиғланиш касалликлари:
• қуйи нафас йўлларининг инфекциялари;
• сийдик чиқариш йўллари инфекциялари;
• интраабдоминал инфекциялар;
• тери ва юмшоқ тўқималарнинг инфекциялари;
• суяк ва бўғимларнинг инфекциялари;
• перитонит;
• сепсис;
• эндокардит;
• кичик чаноқ аъзоларининг яллиғланиш касалликлари.
• Операциядан кейинги асоратларни олдини олишда қўлланади.

Тайёрлаш усули
Вена ичига инфузия учун имипенем+циластатинни бошқа антибиотиклар билан аралаштириш ёки қўшиш мумкин эмас.
Инфузион эритмани тайёрлаш учун қуйидаги эритувчилар ишлатилади: 0,9% ли натрий хлориди эритмаси, 5-10% ли декстрозанинг сувли эритмаси, 5-10% ли Маннитол эритмаси. 100 мл эритмага 500 мг имипенем нисбатда. Тайёрланган эритмада имипенемнинг концентрацияси 5 мг/мл ни ташкил этади.
Флакон ичидагиси дастлаб 10-20 мл мос келувчи эритувчида эритилади. Ҳосил бўлган эритмани юбориш учун ишлатиш мумкин эмас!
Эритма яхшилаб чайқатилади, ундан кейин эритувчининг қолган қисмини (80-90 мл) сақловчи флакон ёки контейнерга ўтказилади. Эритувчининг умумий хажми 100 мл ни ташкил этади. Препаратни тўлиқ ўтказиш учун: флаконга аввал тайёрланган эритма қўшилади, яхшилаб чайқатилади ва тайёрланган эритмани сақловчи флакон ёки контейнерга такроран ўтказилади. Фақат шундан кейингина эритма ишлатиш учун тайёр бўлади.

Қўллаш усули ва дозалари
Вена ичига томчилаб юборилади. Қуйида келтирилган дозалар тана вазни 70 кг ва ундан юқори ва КК минутига 70 мл/1,73 м² ва ундан юқори бўлиши учун ҳисобланган.
КК минутига 70 мл/1,73 м² дан кам ва/ёки тана вазни кам бўлган беморлар учун дозани пропорционал равишда камайтириш керак.
Катталар учун ўртача терапевтик доза (имипенем бўйича ҳисобланган) вена ичига юборилганда – суткада 1-2 г, 3-4 қабулга бўлинган; максимал суткалик дозаси – қайси доза камроқ бўлишига қараб 4 г ёки 50 мг/кг.
Инфекциянинг оғирлик даражаси енгил бўлган беморларда – 250 мг дан суткада 4 марта, ўртача даражадаги – 500 мг суткада 3 марта ёки 1 г суткада 2 марта, оғир даражада – 500 мг суткада 4 марта, беморнинг ҳаётига хавф солувчи инфекцияда – 1 г суткада 3-4 мартани ташкил қилади.
Имипенемнинг 500 мг дан кам ёки тенг дозаси 20-30 минут давомида вена ичига юборилиши керак. 500 мг дан юқори дозаси 40-60 минут давомида вена ичига юборилиши керак. Инфузия вақтида кўнгил айниши пайдо бўлган беморларда препаратни юбориш тезлигини секинлаштириш керак.
Операциядан кейинги асоратларни олдини олиш учун – 1 г анестезияни бошлаш вақтида ва 1 г 3 соатдан кейин буюрилади. Инфекцияни ривожланишининг юқори даражадаги хавфи билан кечувчи жаррохлик аралашувларида (йўғон ва тўғри ичакдаги операция) умумий анестезиядан 8 ва 16 соатдан кейин 500 мг дан қўшимча юборилади.
Буйрак етишмовчилиги бўлган беморларда вена ичига юбориш учун максимал суткалик дозалари инфекциянинг оғирлик даражаси ва КК кўрсаткичи (минутига мл/1,73 м²) тана вазни ≥70 кг боғлиқ равишда қуйидагича:

• инфекцияни енгил кечишида ва КК минутига 41-70 мл – 250 мг дан ҳар 8 соатда, КК минутига 21-40 мл – 250 мг дан ҳар 12 соатда, КК минутига 6-20 мл – 250 мг дан ҳар 12 соатда;
• ўртача даражадаги инфекцияда ва КК минутига 41-70 мл – 250 мг ҳар 6 соатда, КК минутига 21-40 мл – 250 мг дан ҳар 8 соатда, КК минутига 6-20 мл – 250 мг дан ҳар 12 соатда;
• инфекцияни оғир кечишида (ўртача сезгир штаммлар, шу жумладан, Pseudomonas aeruginosa) ва КК минутига 41-70 мл – 500 - мг дан ҳар 6 соатда, КК минутига 21-40 мл – 500 мг дан ҳар 8 соатда, КК минутига 6-20 мл – 500 мг дан ҳар 12 соатда;
• ҳаёт учун хавф солувчи инфекцияни оғир кечишида ва КК минутига 41-70 мл – 750 мг дан ҳар 8 соатда, КК минутига 21-40 мл – 500 мг дан ҳар 6 соатда, КК минутига 6-20 мл – 500 мг дан ҳар 12 соатда.

КК минутига 5 мл дан кам бўлган беморларга фақат, агар препарат инфузиясидан 48 соатдан кейин кеч бўлмаган вақтда гемодиализ ўтказилсагина буюрилади. Бундай пациентларга препаратни фақат уни қўллашдан фойда тиришишлар ривожланишининг потенциал хавфидан устун бўлгандагина юборилади. Гемодиализда бўлган КК минутига 5 мл дан кам бўлган пациентларни даволаганда КК минутига 6-20 мл ва тана вазни 70 кг дан кам бўлган пациентлар учун дозани ишлатиш керак (қуйига қаранг). Препарат гемодиализ сеансидан кейин ва сўнгра муолажа тугаганидан кейин 12 соатлик интервал билан юборилади, бунда пациентларни синчковлик билан кузатиш керак (айниқса уларда марказий нерв тизими касалликлари бўлганида).
КК минутига 70 мл/1,73 м² дан кам бўлган пациентларда операциядан олдинги профилактикада дозалаш тартиби бўйича етарли маълумотлар ҳозирги вақтда йўқ.
Қуйида буйрак фаолиятини бузилиши бўлган ва/ёки тана вазни 70 кг дан кам бўлган пациентлар учун дозалаш тартиби келтирилган.
А) Максимал суткалик доза 1 г

Б) Максимал суткалик доза 1,5 г

В) Максимал суткалик доза 2 г

Г) Максимал суткалик доза 3 г

Д) Максимал суткалик доза 4 г

Ҳозирги вақтда перитонел диализда бўлган пациентларда препаратни қўллашни тавсия этиш бўйича маълумотлар етарли эмас.
Тана вазни 40 кг ва ундан юқори бўлган болаларга катталардаги доза буюрилади.
3 ойликдан ошган ва тана вазни 40 кг дан кам бўлган болаларга – 15 мг/кг суткада 4 марта; максимал суткалик доза – 2 г.
Кекса пациентларда қўлланиши: Кекса пациентларда буйракнинг ёшга боғлиқ фаолиятини бузилиши мавжудлиги эҳтимоли бор, бу дозани камайтиришни талаб этиши мумкин.
Буйракнинг ажратувчи фаолиятини мониторингини ўтказиш мақсадга мувофиқ.

Қўллаш мумкин бўлмаган ҳолатлар

• ҳомиладорлик;
• лактация даври;
• эрта болалик (3 ойликкача);
• буйрак фаолиятини бузилиши бўлган болаларда (зардобда креатининнинг концентрацияси 2 мг/дл дан юқори);
• препаратнинг компонентларига, карбапенемларга ва бошқа бета-лактам антибиотикларига юқори сезувчанликда қўллаш мумкин эмас.

Эҳтиёткорлик билан:

• марказий нерв тизими, меъда-ичак йўллари касалликлари (шу жумладан, анамнезида), кексаларда эҳтиёткорлик билан қўлланади.

Ножўя таъсирлари
Нерв тизими томонидан: миоклония, руҳий бузилишлар, галлюцинациялар, онгни чалкашиши, тутқаноқ хуружлари, парестезиялар.
Сийдик чиқариш тизими томонидан: олигурия, анурия, полиурия, ўткир буйрак етишмовчилиги (кам ҳолларда).
Овқат ҳазм қилиш тизими томонидан: кўнгил айниши, қусиш, диарея, сохтамембраноз энтероколит, гепатит (кам ҳолларда).
Қон яратиш аъзолари ва гемостаз тизими томонидан: эозинофилия, лейкопения, нейтропения, агранулоцитоз, тромбоцитопения, тромбоцитоз, моноцитоз, лимфоцитоз, базофилия, гемоглобинни пасайиши, протромбин вақтини узайиши.
Лаборатор кўрсаткичлар: жигар трансаминазалари ва ишқорий фосфотаза фаоллигини ошиши, гипербилирубинемия, гиперкреатининемия, азот мочевинаси концентрациясини ошиши; Кумбс бевосита ижобий тести.
Аллергик реакциялар: тери тошмаси, қичишиш, эшакеми, кўп шаклли экссудатив эритема (шу жумладан, Стивенс-Джонсон синдроми), ангионевротик шиш, токсик эпидермал некролиз (кам ҳолларда), эксфолиатив дерматит (кам ҳолларда), иситма, анафилактик реакциялар.
Маҳаллий реакциялар: тромбофлебит.
Бошқалар: кандидоз, таъм билишни бузилиши.

Дориларнинг ўзаро таъсири
Сут кислотаси тузи, бошқа антибактериал препаратлар билан фармацевтик номутаносиб.
Пенициллинлар ва цефалоспоринлар билан бир вақтда қўлланилганида кесишган аллергия бўлиши мумкин; бошқа бета-лактам антибиотикларига (пенициллинлар, цефалоспоринлар ва монобактамлар) нисбатан антагонизм намоён қилади.
Ганцикловир тарқалган тиришишлар ривожланиши хавфини оширади.
Каналчалар секрециясини блокловчи дори воситалари имипенемнинг плазмадаги концентрацияси ва Т_1/2 бироз оширади (агар имипенемнинг юқори концентрациялари талаб этилса, дори воситаларини бир вақтда қўллаш тавсия этилмайди).

Махсус кўрсатмалар
Менингитни даволаш учун тавсия этилмайди.
Сийдикни қизғиш рангга бўяйди.
Вена ичига юбориш учун дори шакли мушак ичига юбориш учун ишлатиш мумкин эмас ва аксинча.
Даволашни бошлашдан олдин бета-лактам антибиотикларига аввалги аллергик реакциялар юзасидан синчковлик билан анамнез йиғилиши керак.
Анамнезида меъда-ичак йўллари касалликлари (айниқса колит) бўлган шахсларда сохтамембраноз энтероколит ривожланиши хавфини ошиши кузатилади.
Бош мия жароҳатлари ёки анамнезида тиришишлар бўлган беморларда тутқаноққа қарши дори воситалари билан даволаш препарат билан даволаш даврида давом эттирилиши керак (марказий нерв тизими томонидан ножўя самаралардан сақланиш мақсадида).
Кекса пациентларда буйрак фаолиятини ёшга доир бузилишлари бўлиши эҳтимолини эътиборга олиш керак, бу дозани камайтиришни талаб қилади.
Препаратни ҳомиладорлик ва лактация даврида қўлланиши:
Ҳомиладор аёлларда вена ичига юбориш учун ИМИПЕНЕМ ни қўллаш билан тадқиқотлар ўтказилмаган, шунинг учун препаратни ҳомиладорлик вақтида фақат, агар даволашдан фойда ҳомила учун потенциал хавфдан юқори бўлгандагина қўллаш мумкин.
Имипенем одам кўкрак сутида аниқланади. Агар ИМИПЕНЕМ зарур деб топилса, болани эмизишни тўхтатиш керак.
Тана вазни 40 кг ва ундан юқори бўлган болаларга:
Катталардаги дозалар буюрилади.
3 ойликдан ошган ва тана вазни 40 кг дан кам бўлган болаларга:
15 мг/кг суткада 4 марта; максимал суткалик доза – 2 г.
Кекса ёшдаги пациентларда қўлланиши:
Кекса пациентларда буйрак фаолиятини ёшга доир бузилишлари бўлиши эҳтимолини эътиборга олиш керак, бу дозани камайтиришни талаб қилади. Буйракнинг ажратувчи фаолиятини мониторингини ўтказиш мақсадга мувофиқ.
Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши:
Симптомлари: ножўя самаралар кучайиши мумкин.
Даволаш: симптоматик. Имипенем ва циластатин гемодиализга учрайди. Лекин препарат дозаси ошириб юборилганда ушбу муолажанинг самарадорлиги номаълум.

Чиқарилиш шакли
250 мг ёки 500 мг дан шиша флаконларда.
1 еки 5 флакондан тиббиётда қўлланилишига доир йўриқномаси билан бирга картон қутида.
Стационарлар учун қадоқ: 36 та флакондан тегишли миқдордаги тиббиётда қўлланилишига доир йўриқномаси билан бирга гурухли қутида.

Сақлаш шароити
Намликдан ва ёруғликдан ҳимояланган жойда, 25⁰С дан юқори бўлмаган ҳароратда сақлансин.
Болалар олаолмайдиган жойда сақлансин.

Яроқлилик муддати
2 йил.
Ўрамида кўрсатилган яроқлилик муддати ўтгач, ишлатилмасин.

Дорихоналардан бериш тартиби
Рецепт бўйича.

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили:
Ишлаб чиқарувчи корхона: «Belpharm» МЧЖ XK
Ўзбекистон Республикаси, Тошкент ш., Кичик Халқа йўли ва Бодомзор кўч., 37-уй.
www.belpharm.uz